aran XXI

Era vertat ei qu’era mia opinion, de ben segur non agradarà, mès jo la considèri fòrça contructiva, la voi hèr deth punt de vista der aranés de carrèr, non eth punt de vista deth politic.Mos cau reflexionar, non barrar es uelhs, era societat aranesa ei desencantada dera politica actuau. Qué passe?

· Era politica aranesa a degenerat, s'à hèt ua politica destructiva, totauments critica damb er adversari, similar a çò qu’a hèt Mas en Catalonha damb Montilla. Arrés a presentat un programa politic "que se pogue véner", sonque i a auut, atacs entre un e er aute costat deth marc politic aranés.

· Er estatut a hèt mau. Òc, cèrt que guanhèc eth "Si"... mès, un còp mès...cau analizar mès enlà. Ena Val s'assolic eth mès naut percentatge deth non dera "Nacion catalana", e era mès nauta abstencion, clar simptoma, de qu'eth tèma non se mos a hèt nòste. Mos estam "catalanisan".Damb er estatut, non s’a hèt a sénter ar aranés er hèt diferenciau, mos auem conformat damb çò qu'es nòsti "amos" mos an volut balhar.

· Ei cèrt qu'era Val d'Aran a cambiat fòrça d’uns ans ençà, mès er "isolament territoriau" d'Aran hè qu’encara se veigue Catalonha coma quaquarren extèrn, non pas nòste, e alavetz se non se hè era politica desde Aran, non s'arribe ath ciutadan, non preocupe.

· E eth punt mès critic deth mèn discors arribe ara, Unitat d'Aran a despareishut coma partit, a passat a èster era delegacion deth PSC en Aran, e supausi que s'entenarà qu’era diferéncia ei notabla.

Eth debat ei ena taula, a compdar d'ací, podem tirar endeuant toti es analisi que nosati volgam.